ஸகாத் பற்றிய கேள்விகளும்- பதில்களும்

ஸகாத் பற்றிய  கேள்வி பதில்கள் 3.கேள்வி:- யதார்த்தத்தில் வளர்ச்சியடையும் சொத்துக்களுக்கும், மறைமுகமான அடிப்படையில் வளர்ச்சியடையும் சொத்துக்களுக்கும் ஒரு உதாரணம் கூறுக? பதில்:- யதார்த்தத்தில் வளர்ச்சியடையும் சொத்துக்களுக்கு உதாரணம் கால்நடைகள், பயிர்கள், பழங்கள் மற்றும் வியாபாரப் பொருட்களாகும். மறைமுகமான அடிப்படையில் வளர்ச்சியடையும் சொத்துக்களுக்கு உதாரணம் தங்கம் மற்றும் வெள்ளியாகும். ஏனெனில் இவ்விரண்டும் அசையாமல் இருந்தாலும் இவ்விரண்டின் மூலமாக விரும்பிய நேரத்தில் வியாபாரத்தை மேற்கொள்ள முடியும். ⛳ பார்க்க:- “الشرح الممتع للشيخ ابن العثيمين” (1/455) 4.கேள்வி:- ஸகாத் கடமையாகும் பொருட்கள் யாவை? பதில்:- ஐந்து பொருட்களில் ஸகாத் கடமையாகிறது: 1. தங்கம் 2. வெள்ளி 3. வியாபாரப் பொருட்கள் 4. கால்நடைகள் 5. பூமியிலிருந்து வெளிப்படும் பொருட்கள். இன்னும் சில பொருட்களில் கருத்து வேறுபாடுகள் காணப்படுகின்றன. உதாரணமாக: தேன், புதையல். இவைகள் பற்றிய தெளிவு பின்வரும் தொடர்களில் பார்க்கலாம் இன்ஷா அல்லாஹ். இவை அனைத்தும் அஷ்ஷைக் முஹம்மத் இப்னு ஸாலிஹ் அல்-அஸைமீன் -ரஹிமஹுல்லாஹ்- அவர்களின் மார்க்கத் தீர்வில் இருந்து பெறப்பட்டவைகளாகும். அல்லாஹ் இதன் மூலம் முஸ்லிம்களுக்கு பல பிரயோசனங்களை வழங்குவானாக. தமிழில்:- அபூ அப்திர்ரஹ்மான் (அப்பாஸி,மதனி)