அரபு மொழி வழக்கின்படி, "பத்து" (அஷ்ர்) என்பது ஒரு முழுமையான தொகையைக் குறிக்கும் வார்த்தையாகும். இது சில சமயங்களில் 9 நாட்களைக் கொண்டதாக இருந்தாலும், அதனை மட்டம் தட்டி (ஜப்ருல் கஸர்) "பத்து" என்றே அழைக்கும் வழக்கம் உள்ளது.
உதாரணமாக, "துல்ஹிஜ்ஜாவின் முதல் 10 நாட்கள் சிறப்பானவை" என ஹதீஸ்களில் கூறப்பட்டாலும், 10-ஆம் நாள் பெருநாள் என்பதால் 9 நாட்கள் மட்டுமே நோன்பு நோற்க முடியும். ஆயினும் அது "துல்ஹிஜ்ஜாவின் பத்து" என்றே அழைக்கப்படுகிறது.
இதேபோலத்தான் ரமழானின் இறுதிப் பத்தும். ரமழான் மாதம் 29 நாட்களில் முடிவடைந்தால், அவர்கள் இஃதிகாஃப் இருந்தது 9 நாட்களாக இருந்தாலும், மொழி வழக்கின்படி அது "இறுதிப் பத்து" என்றே அழைக்கப்படுகிறது. நபிகளார் (ஸல்) அவர்கள் முன்கூட்டியே அது 29 ஆ அல்லது 30 ஆ என அறிந்துதான் இஃதிகாஃப் இருந்தார்கள் என்பது இதன் பொருளல்ல; அது பொதுவான ஒரு மொழிப் பிரயோகமேயாகும்.