நமக்கு யாராவது பிறந்தநாள் வாழ்த்து கூறினால், அவர்களுக்கு ''நன்றி'' (Thanks) என்று சொல்லலாமா?

இஸ்லாமிய அடிப்படையில் பிறந்தநாள் கொண்டாடுவது முற்றிலும் தவிர்க்கப்பட வேண்டிய தவறான கலாச்சாரமாகும். எனவே ஒருவர் நமக்கு பிறந்தநாள் வாழ்த்து கூறினால், அவருக்கு ''நன்றி'' என்று சொல்வது அந்தத் தவறான செயலை நாம் அங்கீகரிப்பதாக அமைந்துவிடும்.

இத்தகைய சூழ்நிலைகளில், அது மார்க்க அடிப்படையில் தவறானது என்பதை அவர்களுக்குப் பக்குவமாக எடுத்துச் சொல்ல வேண்டும்; அல்லது குறைந்தபட்சம் எவ்விதப் பதிலும் கூறாமல் மௌனமாக இருந்து அதைத் தவிர்க்க வேண்டுமே தவிர, ''நன்றி'' கூறி அந்த கலாச்சாரத்திற்கு துணைபோவதையோ அங்கீகரிப்பதையோ செய்யக் கூடாது.