படித்த பெண்கள் குடும்பத்தினரிடத்தில் மார்க்கத்தை எடுத்துச் சொல்லி தஃவா செய்யும் போது, அது அவர்களிடம் எடுபடுவதற்கு (ஏற்று

அறிவுக்கு முக்கியத்துவம் கொடுப்பது போலவே மனிதர்களின் உணர்வுகளுக்கும் கட்டாயம் மதிப்பளிக்க வேண்டும். ஒரு குடும்பத்தில் பெண்ணிடத்தில் எதிர்பார்க்கப்படுகின்ற சில அடிப்படைப் பண்பாடுகள், குடும்பப் பொறுப்புகள் மற்றும் வீட்டின் நடைமுறைகள் என சில விஷயங்கள் உள்ளன. அவற்றை ஒரு பெண் சரிவரப் பேணாத போது, எவ்வளவுதான் மார்க்க விஷயங்களையும் தஃவாவையும் எடுத்துச் சொன்னாலும் அது அந்த குடும்பத்தாரிடம் எடுபடாது.

சில பெண்கள் படிப்பின் காரணமாகவோ அல்லது மார்க்க அறிவை வளர்த்துக் கொண்டதன் காரணமாகவோ குடும்பப் பொறுப்புகள் மற்றும் அடிப்படைப் பண்பாடுகளை இழந்திருப்பார்கள். இவர்களிடம் தொழுகை, இபாதத் என எல்லாம் இருக்கும்; ஆனால் குடும்பத்தினரை அனுசரித்துப் போவது குறைந்திருக்கும். இந்த நிலையில் தஃவா செய்தால் அது உள்ளங்களுக்குப் போய் சேராது.

தஃவா என்றாலே நமது சொந்த அபிலாஷைகளைச் சற்று விட்டுக்கொடுத்து, ஒரு படி கீழே இறங்கி மற்றவர்களின் உணர்வுகளுக்கு மதிப்பளிப்பதாகும். இதற்குச் சிறந்த உதாரணமாக உம்மு ஸுலைம் (ரழி) அவர்களைக் கூறலாம். அபூதல்ஹா (ரழி) அவர்கள் இஸ்லாத்தை ஏற்பதற்கு முன், பிரசவ வேதனையில் இருந்த உம்மு ஸுலைம் (ரழி) அவர்களிடம் அபூதல்ஹா வர நேர்ந்த போது, அவர்கள் எவ்வளவு பெரிய தியாகங்களைச் செய்து, தனது ஆசைகளை விட்டுக்கொடுத்து பண்பாடாக நடந்து கொண்டார்கள் என்பதை வரலாற்று நிகழ்வுகள் காட்டுகின்றன. எனவே, ஒரு பெண் தன் குடும்பத்தாரின் எதிர்பார்ப்புகளை (மார்க்க முரணற்றவைகளை) நிறைவேற்றி, கொஞ்சம் விட்டுக்கொடுத்து, குடும்பப் பொறுப்புகளைச் சுமந்துகொண்டு தஃவா செய்தால் மட்டுமே குடும்பத்தில் பல நல்ல விளைவுகளையும் மாற்றங்களையும் ஏற்படுத்த முடியும்.