குர்ஆன், ஹதீஸை நேரடியாகப் புரிந்துகொள்வது கடினம் என்பதால் அதை இலகுபடுத்துவதற்காகத் தோன்றிய மத்ஹபுகளை ஏன் பின்பற்றக் கூடா

மத்ஹபுகள் மார்க்கத்தை இலகுபடுத்தின என்பது முற்றிலும் தவறான வாதமாகும். மாறாக, மத்ஹபுகள் மார்க்கச் சட்டங்களை மிகவும் சிக்கலாக்கியுள்ளன என்பதே உண்மையாகும். குர்ஆன் மற்றும் ஹதீஸ்களை நேரடியாக அணுகுவதன் மூலமே மார்க்கத்தின் இலகுவான சட்டங்களை நாம் மிக எளிதாகப் பெற்றுக்கொள்ள முடியும். மத்ஹபுகளின் நூல்களை வாசித்தால், ஒரு பிரச்சினைக்கு ஆறு, ஏழு முரண்பட்ட சொந்தக் கருத்துக்களைப் பதிவு செய்து மக்களைக் குழப்பத்தில் ஆழ்த்துவதையே காண முடிகிறது.

ஒரு மார்க்க அறிஞரிடம் சென்று ஒரு சட்டத்தைக் கேட்டுப் பின்பற்றுவதோ, ஆரம்ப நிலையில் குர்ஆன் சுன்னாவின் வழிகாட்டலை அறிஞர்கள் மூலமாகப் பெறுவதோ தவறில்லை. ஆனால், "ஒரு குறிப்பிட்ட மத்ஹபில் உள்ள அறிஞர் அல்லது ஒரு குறிப்பிட்ட இமாம் சொன்ன கருத்தை மட்டும்தான் நான் கேட்பேன், அவர் சொன்னது குர்ஆன் சுன்னாவுக்கு முரணாகவே இருந்தாலும் அதைத்தான் நான் ஏற்றுக் கொள்வேன்" என்று ஒரு மனிதரைக் குருட்டுத்தனமாகப் பின்பற்றுவதுதான் மார்க்கத்தில் வன்மையாகத் தடுக்கப்பட்ட பிழையாகும்.

மத்ஹபுகளைப் பின்பற்றுபவர்கள் இன்று சமுதாயத்தில் மதம் மாறியவர்களைப் போன்று தங்களுக்குள் சண்டையிட்டுப் பிரிந்து கிடப்பதும் இந்த குருட்டுப் பக்தியினால்தான். எனவே, அறிஞர்களின் கருத்துக்களை குர்ஆன் சுன்னாவோடு ஒப்பிட்டுப் பார்த்து, குர்ஆன் சுன்னாவிற்கு மட்டுமே முன்னுரிமை அளித்து மார்க்கத்தைப் பின்பற்ற வேண்டும்.