அவ்வாறு குளிக்கக் கூடாது. ஜும்ஆவுக்காகக் குளிப்பதன் காரணத்தை நோக்கினால், "யார் ஜும்ஆவிற்கு வருகிறாரோ அவர் குளித்துக் கொள்ளட்டும்" என்று நபிகள் நாயகம் (ஸல்) அவர்கள் கூறியுள்ளார்கள். இதற்கான காரணம் என்னவென்றால், ஆரம்ப காலத்தில் மக்கள் வியாபாரம் செய்துவிட்டு அப்படியே பள்ளிக்கு வந்தார்கள்; அவர்களிடமிருந்து வியர்வை நாற்றம் வீசியதால், குளித்துவிட்டு வருமாறு நபிகளார் அறிவுறுத்தினார்கள் என்று அன்னை ஆயிஷா (ரழி) அவர்கள் கூறுகிறார்கள்.
ஒருமுறை உஸ்மான் (ரழி) அவர்கள் தாமதமாக வந்தபோது, உமர் (ரழி) அவர்கள் காரணத்தைக் கேட்டார்கள். "பாங்கு சத்தம் கேட்டவுடனே உளுச் செய்துவிட்டு வருகிறேன்" என்று உஸ்மான் (ரழி) கூறியபோது, உமர் (ரழி) அவர்கள் "குளிக்காமல் வெறும் உளுவோடு மட்டுமா வருகிறீர்கள்?" என்று கண்டித்தார்கள். அவர் காலையிலோ அல்லது முந்தைய இரவிலோ குளித்தாரா என்று உமர் (ரழி) விசாரிக்கவில்லை. இதிலிருந்து ஜும்ஆவிற்குத் தயாராகிப் புறப்படும் நேரத்தில் குளிப்பதே கடமை என்பது தெளிவாகிறது. காலையிலேயே குளித்துவிட்டு, மீண்டும் வேலைக்குச் சென்று வியர்வையோடு பள்ளிக்கு வந்தால் குளித்ததன் நோக்கமே நிறைவேறாமல் போய்விடும். எனவே, ஜும்ஆ தொழுகைக்காக எப்போது தயாராகிப் புறப்படுகிறோமோ, அந்த நேரத்தில் குளித்துச் செல்வதே மார்க்கம் காட்டும் சரியான வழிமுறையாகும்.