இலங்கையில் எந்த வங்கியில் வட்டி இல்லாத இஸ்லாமிய வங்கிக் கணக்கைத் திறக்கலாம்? இஸ்லாமிய வங்கி முறைமையின் நம்பகத்தன்மை என்ன

முழுமையான இஸ்லாமிய வங்கி முறைமை என்பது, இஸ்லாமியச் சட்டங்கள் முழுமையாக நடைமுறையில் உள்ள ஒரு நாட்டில்தான் சாத்தியப்படும். முஸ்லிம் அல்லாத ஒரு நாட்டில், வட்டி அடிப்படையில் இயங்கும் மத்திய வங்கியின் (Central Bank) கீழ் பதிவுசெய்து இயங்கும் எந்தவொரு வங்கியையும் முழுமையான "இஸ்லாமிய வங்கி" என்று கூற முடியாது. மத்திய வங்கியின் கட்டமைப்பில் பதிவு செய்யாமல் ஒரு வங்கியை நடத்த முடியாது; அந்த மத்திய வங்கியின் அடிப்படை வட்டியிலேயே அமைந்துள்ளது.

பல வங்கிகள் முராபஹா, முஷாரகா, முழாரபா என அரபுப் பெயர்களைப் பயன்படுத்தி இஸ்லாமிய முறைப்படி செயல்படுவதாகக் கூறிக்கொள்கின்றன. இந்தப் பெயர்களைப் பயன்படுத்தும் போது மக்களுக்கு இது நபிகளார் காலத்து வியாபார முறை போன்ற உணர்வு ஏற்படுகிறது. ஆனால், எதார்த்தத்தில் இவை வட்டி வங்கிகளின் கொடுக்கல் வாங்கல் முறைமைகளையே சற்று மாற்றி அமைக்கப்பட்ட (Cooked Accounts) வடிவங்களாகும். லாப நஷ்டங்களைப் பகிர்ந்துகொள்ளும் உண்மையான இஸ்லாமிய முதலீட்டு முறைமை இங்கு முழுமையாகப் பேணப்படுவதில்லை.

இந்த வங்கிகள் ஏழைகளுக்குப் பயன் தருவதைவிட, பெரும் பணக்காரர்களின் வியாபாரங்களுக்கு உதவி செய்வதற்காகவே பெரும்பாலும் பயன்படுகின்றன. ஒரு ஏழை கடன் பெறச் சென்றால் அவரிடம் பலவிதமான நிரூபணங்கள் கேட்கப்படுகின்றன. எனவே, இதனை "இஸ்லாமிய வங்கி" என்று அழைப்பதை விட, "முஸ்லிம்கள் நடத்தும் வங்கி" என்று கூறுவதே பொருத்தமாக இருக்கும். இதில் வட்டி சார்ந்த பல சிக்கல்கள் நேரடியாகவோ மறைமுகமாகவோ கலந்திருப்பதால், இதனை முழுமையான இஸ்லாமிய வங்கி என மார்க்க அடிப்படையில் சான்றளிக்க முடியாது.