அசையும் சொத்து, அசையாச் சொத்து, உபயோகிக்கும் நகை, உபயோகமற்ற நகை, சேமிப்புப் பணம், வியாபாரப் பொருட்கள், நிலம் போன்றவற்றில

1. அசையும் மற்றும் அசையாச் சொத்துகள்:
நீங்கள் தங்கும் சொந்த வீடு, வாடகைக்கு விட்டிருக்கும் வீடு, வியாபார நோக்கமின்றி சும்மா வாங்கிப் போட்டிருக்கும் நிலங்கள், உபரியாக இருக்கும் வாகனங்கள், வியாபாரத்திற்கு அல்லாமல் வருமானத்திற்காகப் பயன்படுத்தப்படும் உபகரணங்கள் (உ-ம்: 50 பஸ்கள், 100 கம்ப்யூட்டர்கள், இயந்திரங்கள்) என எதற்கும் ஸகாத் கிடையாது. "உபயோகிக்காத எல்லாவற்றுக்கும் ஸகாத் கொடுக்க வேண்டும்" என்பது தவறான சிந்தனையாகும். இவைகளை நீங்கள் வியாபாரப் பொருளாக (Business) ஆக்கி வாங்கி விற்றால் மட்டுமே அவற்றின் பெறுமதிக்கு வருடா வருடம் 2.5 வீதம் ஸகாத் கட்டாயம் கொடுக்க வேண்டும்.

2. தங்கம், வெள்ளி மற்றும் ஆபரணங்கள்:
தங்கம், வெள்ளியைப் பொறுத்தவரை நீங்கள் அதனை உபயோகித்தாலும் சரி, அல்லது சேமிப்பாகப் பெட்டியில் வைத்திருந்தாலும் சரி, ஒரு வருடம் பூர்த்தியாகிவிட்டால் கட்டாயம் 2.5% (நூற்றுக்கு இரண்டரை வீதம்) ஸகாத் கொடுக்க வேண்டும். தங்கம் 85 கிராம் (சுமார் 10.5 பவுன்) இருந்தால் அதற்கு 2.5% கொடுக்க வேண்டும் (அதாவது 100 கிராமுக்கு 2.5 கிராம்). வைரம், பிளாட்டினம், மாணிக்கம் போன்ற மற்ற ஆபரணங்களுக்கு வியாபார நோக்கம் இருந்தால் மட்டுமே ஸகாத் உண்டு.

3. சேமிப்புப் பணம்:
உங்கள் சேமிப்புப் பணம் 595 கிராம் வெள்ளியின் பெறுமதியையோ அல்லது 85 கிராம் தங்கத்தின் பெறுமதியையோ அடைந்து, ஒரு அரபு வருட காலம் (354 நாட்கள்) பூர்த்தியானால் அதற்கும் 2.5 வீதம் ஸகாத் வழங்க வேண்டும். ஏழைகளுக்குப் பயனளிக்கும் வகையில் இரண்டில் குறைந்த பெறுமதியான வெள்ளியின் அளவுகோலையே நாணயமாகப் பயன்படுத்துவது சிறந்தது.

4. விவசாய தானியங்கள்:
உணவாகப் பயன்படக்கூடிய, நீண்ட காலம் சேமிக்கத்தக்க மற்றும் நிறுக்கப்படக்கூடிய தானியங்களான நெல், கோதுமை, பேரீச்சை போன்றவை ஒரு அறுவடையில் 650 கிலோ (அல்லது சுமார் 750 கிலோ) அளவுக்கு மேல் விளைந்தால், அந்த அறுவடை நாளிலேயே ஸகாத் கொடுக்க வேண்டும். இது இயற்கை மழையால் விளைந்தால் 10 சதவீதமும் (உ-ம்: 1000 கிலோவுக்கு 100 கிலோ), நமது முழு உழைப்பில் நீர் பாய்ச்சி விளைந்தால் 5 சதவீதமும் (உ-ம்: 1000 கிலோவுக்கு 50 கிலோ) கொடுக்க வேண்டும். அறுவடை செய்தவுடன் கொடுப்பதால், இது ஒரு வருடம் பூர்த்தியாக வேண்டும் என்ற கணக்கிற்குள் வராது.