ஜாபிர் பின் அப்தில்லாஹ் (ரலி) அவர்கள் கூறியதாவது: எனக்கு மணமானபோது என்னிடம் அல்லாஹ்வின் தூதர் (ஸல்) அவர்கள், “படுக்கை விரிப்புகள் அமைத்துவிட்டாயா?” என்று கேட்டார்கள். நான் “எங்களிடம் எவ்வாறு படுக்கை விரிப்புகள் இருக்கும்?” என்றேன். அல்லாஹ்வின் தூதர் (ஸல்) அவர்கள், “தெரிந்துகொள். விரைவில் அவை (உங்களிடம்) இருக்கும்” என்றார்கள். (பின்னாளில் ஒரு சமயம்) என் துணைவியிடம் படுக்கை விரிப்பொன்று இருந்தது. நான் அவரிடம் “அதை என்னிடமிருந்து அப்புறப்படுத்து (என்னிடம் அதைக் கொண்டுவராதே)” என்று சொல்ல, அதற்கு என் துணைவி, “அல்லாஹ்வின் தூதர் (ஸல்) அவர்கள், விரைவில் அவை (உங்களிடம்) இருக்கும் என்று சொன்னார்களே?” என்று கேட்டார். – மேற்கண்ட ஹதீஸ் ஜாபிர் (ரலி) அவர்களிடமிருந்தே மற்றோர் அறிவிப்பாளர்தொடர் வழியாகவும் வந்துள்ளது. அதில் “(என் துணைவி அவ்வாறு பதிலளித்ததும்) அவ்வாறாயின், அவற்றை நான் (அப்படியே) விட்டுவிடுகிறேன்”என்று ஜாபிர் (ரலி) அவர்கள் கூறியதாக இடம்பெற்றுள்ளது. Book : 37