கொரோனா வைரஸ் குறித்து 10, 20 வருடங்களுக்கு முன்பு எழுதப்பட்ட நூல்களிலோ அல்லது அரபு நூல்களிலோ முன்னறிவிப்பு செய்யப்பட்டுள்ளதாகப் பரவும் செய்திகள் அனைத்தும் முற்றுமுழுதாகக் கட்டுக்கதைகளாகும். கொரோனா என்பது 1950, 60-களிலேயே கண்டுபிடிக்கப்பட்ட ஒரு வைரஸ் குடும்பமாகும். தற்போது வந்துள்ள கோவிட்-19 அதனுடைய ஒரு புதிய பரிணாமமே (Mutation) ஆகும்.
"அக்பருஸ் ஸமான்" போன்ற அரபு நூல்களில் 2020-ல் உலகெங்கும் நோய் பரவும் என முன்னறிவிக்கப்பட்டிருப்பதாகக் கூறுவது போலியானது; ஏனெனில், அரபு நூலாசிரியர்கள் ஹிஜ்ரி காலண்டரை மட்டுமே பயன்படுத்துவார்களே தவிர, கி.பி. 2020-ஐக் குறிப்பிட மாட்டார்கள். அதேபோல "Predictions and Prophecies" போன்ற ஆங்கில நாவல்களில் "வூஹான்-400" என்று குறிப்பிடப்பட்டிருப்பதை வைத்து இதைக் கணித்ததாகக் கூறுவதும் தவறானது. வூஹான் வைரஸ் ஆய்வு மையம் பல தசாப்தங்களுக்கு முன்பே நிறுவப்பட்டுவிட்டது; அதை மையமாக வைத்து சில யூகக் கதைகள் (Fiction) எழுதப்பட்டனவே தவிர, இது துல்லியமான முன்னறிவிப்பல்ல.
அத்தகைய நூல்களில் சொல்லப்பட்ட எத்தனையோ பொய்யான செய்திகளை மறைத்துவிட்டு, தற்செயலாக ஒத்துப்போன ஒன்றை மட்டும் பெரிதுபடுத்துகிறார்கள். எனவே, இது போன்ற கற்பனைக் கதைகளையும், நூல்களையும் மார்க்கத்தின் பெயரால் நம்பக் கூடாது. இஸ்லாத்தில் ரசூலுல்லாஹி (ஸல்) அவர்கள் கூறிய ஆதாரப்பூர்வமான முன்னறிவிப்புகளை மட்டுமே நாம் நம்ப வேண்டும்.