ஒரு மனிதர் நம்மிடம் வந்து நின்றுகொண்டு பேசுகிறார் என்பதற்காக நாமும் எழுந்து நிற்பதோ, அல்லது அவர் உட்கார்ந்து பேசுகிறார் என்பதற்காக நாமும் உட்கார்ந்து பேசுவதோ மார்க்கத்தில் தவறில்லை. ஆனால், ஒருவர் வருகிறார் என்கின்ற ஒரே காரணத்திற்காக, அவரை வரவேற்பதற்காக எழுந்து நிற்பதைத்தான் இஸ்லாம் வன்மையாகத் தடுக்கிறது.
நாம் அமர்ந்திருக்கும் சபைக்கு ஒருவர் வரும்போது, அவருக்காக நாம் எழுந்து நிற்பதும், அவ்வாறு மற்றவர்கள் தனக்காக எழுந்து நிற்பதை அந்த நபர் விரும்புவதும் மார்க்கத்தில் தடைசெய்யப்பட்ட பெரும் குற்றமாகும். "தனக்காக மக்கள் எழுந்து நிற்பதை யார் விரும்புகிறாரோ, அவர் நரகத்தில் தனது இருப்பிடத்தை அமைத்துக் கொள்ளட்டும்" என்று நபிகள் நாயகம் (ஸல்) அவர்கள் கடுமையாக எச்சரித்துள்ளார்கள். அவருக்கு ஸலாம் சொல்வதற்காக நாம் எழும்ப வேண்டி வந்தால், அல்லது அவர் நின்றுகொண்டு பேசும்போது நாமும் நின்று பேசுவதில் மார்க்க ரீதியாக எவ்விதத் தடையுமில்லை.