(நபியே!) உமது உள்ளத்தை நாம் உமக்கு விரிவாக்கவில்லையா?

(நபியே!) நாம் உம்முடைய இதயத்தை உமக்காக விரிவாக்கித் தரவில்லையா?

(நபியே!) உமது நெஞ்சை உமக்காக நாம் விரிவாக்கவில்லையா?

உமது சுமையையும் உம்மைவிட்டும் நாம் இறக்கிவிட்டோம்.

மேலும், உம்முடைய சுமையை உம்மைவிட்டு நாம் இறக்கிவைத்தோம்.

மேலும், உமது சுமையை உம்மைவிட்டும் நாம் இறக்கிவிட்டோம்.

அது, உமது இடுப்பையே முறித்துக் கொண்டிருந்தது.

(அது) உம்முடைய முதுகை முறித்துக் கொண்டிருந்தது.

அ(ச்சுமையான)து எத்தகையதென்றால், உமது முதுகை முறித்து(உமக்குப் பளுவாகி) விட்டது.

உமது கீர்த்தியையும் நாம் உயர்த்தினோம்.

மேலும், உமக்காக உம் புகழினை உயர்த்தினோம்.

உமது நினைவை (கீர்த்தியை) உமக்காக நாமே உயர்த்தினோம்.

நிச்சயமாக சிரமத்துடன் சௌகரியம் இருக்கிறது.

உண்மையில் சிரமத்துடன் இலகுவும் இருக்கின்றது.

ஆகவே, நிச்சயமாக கஷ்டத்துடன் இலேசு இருக்கிறது.

மெய்யாகவே சிரமத்துடன் சௌகரியம் இருக்கிறது.

திண்ணமாக, சிரமத்துடன் இலகுவும் இருக்கிறது.

நிச்சயமாக கஷ்டத்துடன் இலேசு இருக்கிறது.

ஆகவே, (மார்க்கப் பிரச்சாரத்திலிருந்து) நீர் விடுபட்டதும், (இறைவனை வணங்குவதற்கு) சிரத்தை எடுப்பீராக.

எனவே, நீர் ஓய்வு பெறும்போது வணக்க வழிபாட்டின் கடும் உழைப்பில் முனைப்புடன் ஈடுபடுவீராக!

ஆகவே, நீர் (உலகக் காரியங்களிலிருந்து விடுபட்டால் (தொழுவதற்கு) நீர் சிரத்தை எடுத்துக் கொள்வீராக!

மேலும், (துன்பத்திலும் இன்பத்திலும்) உமது இறைவனையே நீர் நோக்கி நிற்பீராக!

மேலும், உம் இறைவனின் பக்கமே ஆர்வம் கொள்வீராக!

மேலும், உமதிரட்சகன் பக்கம் நீர் விருப்பம் கொள்வீராக!