குழந்தைகள் மணிக்கணக்கில் மொபைல் போன் பயன்படுத்துகிறார்கள், ஆனால் தொழச் சொன்னால் தொழுவதில்லை. இதற்கு என்ன தீர்வு?

இது ஒரு தனிப்பட்ட குடும்பப் பிரச்சினை மட்டுமல்ல; இன்றைய சமூகத்தின் மிகப்பெரிய சிக்கலாகும். இதற்குத் தீர்வு காண்பதில் பெற்றோர்களின் பங்கு மிக முக்கியமானது.

மொபைல் பயன்பாடு:
பெற்றோர்கள் தாங்களே மணிக்கணக்கில் ஸ்மார்ட்போன்களில் மூழ்கியிருப்பதைப் பார்த்தே பிள்ளைகளும் அதைப் பழகுகிறார்கள். எனவே பெற்றோர்கள் முன்மாதிரியாகத் திகழ வேண்டும். வளரும் இளைஞர்களை முற்றுமுழுதாக மொபைல் பயன்படுத்தக் கூடாது எனக் கட்டுப்படுத்தினால், அவர்கள் வீட்டை விட்டு வெளியேறி தவறான வழிகளிலோ அல்லது போதைப்பொருள் போன்ற தீய பழக்கங்களிலோ ஈர்க்கப்பட வாய்ப்புள்ளது. எனவே, அதனோடு ஒப்பிடுகையில், வீட்டில் நமது கண்காணிப்பில் ஒரு குறிப்பிட்ட கட்டுப்பாட்டுடன் போன் பயன்படுத்த அனுமதிப்பது எவ்வளவோ மேலானது என ஷைக் அப்துல் கரீம் அல்-ஹுதைர் போன்ற அறிஞர்கள் வழிகாட்டுகின்றனர்.

தொழுகை:
தொழுகை என்பது இறையச்சம் இல்லாதவர்களுக்கு மிகவும் பாரமான ஒரு காரியமாகும். "உங்கள் குடும்பத்தினரைத் தொழுகையின் பால் ஏவுங்கள்; அதில் பொறுமையாக இருங்கள்" (குர்ஆன்) என்பதே இறைக்கட்டளையாகும். இதை ஒரு வருடமோ ஐந்து வருடமோ சொல்லிவிட்டு விட்டுவிடக் கூடாது; வாழ்நாள் முழுவதும் சொல்லிக்கொண்டே இருக்க வேண்டும். பெற்றோர்கள் ஐவேளை தொழுகையில் பேணுதலாக இருப்பதைக் காணும் பிள்ளைகள் நாளடைவில் தாங்களும் அப்பழக்கத்திற்கு வருவார்கள். எனவே, சலிப்படையாமல் பொறுமையோடு தொழுகைக்கு ஏவிக்கொண்டே இருக்க வேண்டும்.